LAOAG CITY – Nagyaman ni Mayor James Bryan Alcid a maysa ti ciudad ti Laoag a kababaan iti poverty incidence na.
Daytoy ket basar iti naisubmitir iti Civil Registrar a nababa iti poverty incidence ditoy ciudad partikular iti Barangay Information Monitoring.
Inbatadna a masapol a mapagtalinaed wenno nasaysayaat pay no maipababa daytoy.
Mainaig iti daytoy , kuna ti Mayor a dakkel a tulong dagiti naruay a panggedan pakairamanan dagiti nagduduma a programa ti Provincial Government kangrunaan ti Congressional Office iti panagbaba iti poverty incidence ditoy ciudad.
Kabayatanna, idawdawat ni Alcid nga amin a programa iti lokal a gobierno ket agtultuloy tapno ad-adda pay a maipangato ti kasasaad ti panagbiag dagiti umili ditoy ciudad.
