LAOAG CITY – Saanen a nakigtot ni House Deputy Minority Leader ken Mamamayang Liberal Partylist Representative Leila De Lima nga ibasura ti International Criminal Court (ICC) Appeals Chamber ti kiddaw a temporario a pannakawaya-waya ni dati a Presidente Rodrigo Duterte.
Inpetteng ni De Lima, iti rugi pay laeng ket nalidemen nga agballigi ti apela ni Duterte nangruna ket dagiti rakurakna ken dagiti supporters iti media ti mismo nga inusar ti International Criminal Court Pre-Trial Chamber iti panag-deny iti kiddaw nga interim release a pinaboran ti Appeals Chamber.
Gapu iti daytoy, inabisoan ni De Lima dagiti anak ti dati a Presidente ken dagiti supporters a saan nga agal-alisto.
Inladawan ni De Lima ni Davao City Acting Mayor Baste Duterte nga iti kallabes ket nangideklarar nga agilistada kadagiti drug addicts para iti baro a war on drugs iti siudad.
Kunana a dagitoy a rakurak ket saan a makatulong iti amada.
