LAOAG CITY – Pinadayawan ti lokal a goboerno dagiti Child Development Center (CDC) Workers ditoy ciudad ti Laoag.
Daytoy ket naisayangkat kabayatan ti flag raising ceremony iti Laoag City Hall.
Segun kenni Liga ng mga Brgy President Rbee Ablan, ti naipaay a pammigbig kadagiti ket Child Development Center Workers ket gapo iti dedikasyon da a tumultulong kadagiti agtutubo nga agadal.
Kunana a nakaawat da ti Certification of Recognition manipod iti Early Childhood Care and Development Council (ECCD).
Patien na a ti serbisyo da ket mangipakita ti natibker a relasyon iti nagbaetan ti barangay ken ti gobierno lokal ditoy ciudad ti Laoag.
Innayon na nga adda ti 39 a Child Development Center (CDC) Workers ti napadayawan manipod iti nagduduma a barangay ditoy ciudad.
Inpanamnama na nga agtultuloy ti panangipaay ti Liga ng mga Barangay ti suporta kadagitoy tapno ad-ado pay ti matulungan da nga agballigi.
