LAOAG CITY – Iyur-uray laengen ti Bureau of Fire Protection ti activation order manipod iti Higher Headquarters da sakbay ti pormal a panangusar da ti sub-station da iti Barangay San Mateo ditoy ciudad ti Laoag.
Daytoy ti inbatad ni Fire Senior Inspector Edison Reyes, ti Firemarshall ditoy ciudad ti Laoag.
Kuna na a no addan ton ti activation order para iti panangusar da ti sub-station da iti nadakamat a barangay ket mabalin to metten a manayunan ti personnel ti Bureau of Fire Protection ditoy ciudad.
Innayon ni Reyes a dakkel a tulong ti sub-station da iti Barangay San Mateo gapu ta adda ti as-asideg nga agresponde no adda mapasamak nga uram iti dumaya a paset ditoy ciudad.
Mainaig iti daytoy, inpakaammo ni Reyes nga iti baet nga awan pay ti activation order ket rinugyan da lattan ti nangideploy ti personnel da nga agduty iti lugar.
