LAOAG CITY – Natiliwen ti FBI ti suspek a nangimula ti pipe bombs iti asideg ti National Committee headquarters ti Democrats ken Republicans, maysa a rabii sakbay ti 2021 US Capitol riot.
Inbatad ni Attorney General Pam Bondi a ti suspek ket agnagan ti Brian Cole Jr.
Segun kenkuana, awan ti baro a tip wenno baro a witness no diket ti panagpursige ti kapulisan tapno matiliw daytoy.
Sumango met ti suspek iti transporting an explosive device in interstate commerce ken malicious destruction by means of explosion.
Binabalaw ni Bondi ti justice system ni dati nga US President Joe Biden gapo ta saan da a dagus a natiliw ti suspek.
Maipalagip a nangidiaya ti FBI ti $500,000 a reward para iti impormasyon a makatulong kadagiti imbestigador ken iti dagus a pannakatiliw ti suspek.
