LAOAG CITY – Napadayawan ti Sangguniang Kabataan Federation ti Laoag City kas Outstanding SK Federation in Ilocos Norte.
Segun kenni SK Federated Pres. Michael Agustin, dakkel a pammadayaw daytoy iti pederasyon da ditoy ciudad ken motibasyon tapno mapapintas pay ti ipaay da a serbisyo kadagiti agtutubo.
Patien na a daytoy ket nagun-od da gapo kadagiti nadumaduma a programa ken inisiatibo nga ipatpatungpal ti SK-Laoag a dakkel a tulong kadagiti agtutubo.
Innayon na a dakkel pay a nakatulong ti kina-aktibo ken partisipasion dagiti agtutubo iti ciudad.
Namanamen met ni Agustin nga agtultuloy daytoy ken naan-anay a magun-od ti panagprogreso ditoy ciudad.
