LAOAG CITY – Billigi a naiyuswat ti simulation exercise iti Barangay San Mateo ditoy ciudad ti Laoag.
Segun kenni Dr. Melvin Manuel, ti mangidadaulo ti City Disaster Risk Reduction and Management Office ditoy ciudad ti Laoag, gagem ti nasao nga addang ket ket tapno masanay ti kina-alisto ken kinasagana ti rescue team ti gobierno lokal ditoy ciudad no adda ti emergency kas ti vehicular traffic accident ken dadduma pay.
Kunana a ditoy a nakita ti kinaalisto ngem naannad a panangkita ti rescue team no adda ti mapasamak nga aksidente.
Inbatad na a kasapolan ti alisto a panagresponde a no mabalin ket saan nga agbayag ti lima a minuto apaman a maawat ti report mainaig iti aniaman a pasamak a nasken a marespondean.
Innayon ni Manuel a regular nga ar-aramiden ti gobierno lokal ditoy ciudad ti simulation exercise.
