LAOAG CITY – Bimmaba ti 30 a milyon ti National Tax Allotment iti ili ti Marcos.
Segun kenni Mayor Antonio Mariano, ti dati nga National Tax Allotment iti ili ti Marcos ket 150 a milyon a pisos, ngem ita ket sumurok-kumurang laeng a 120 a milyon a pisos.
Patien na a ti rason ket saan a nainayon dagiti nairekord iti 2023-2024 a ti laeng naisumitir ket ti dati a datos.
Kunana nga uray kasano ti kalawa ti namulaan ti tabako no saan a daytoy ti naireport ket awan ti pagbaliwan na.
Nupay kasta, mangnamnama a dumakkel ti National Tax Allotment iti ili da para iti 2024-2025.
Mainaig iti daytoy, inbatad ti mayor nga adda ti mandato na kadagiti opisyal ti barangay a bantayan a naimbag dagiti mapan aggatang ken agilako ti tabako tapno nairekord a nasayaat gapu ta daytoy ti maysa kadagiti rason no apay a saan a maipapaay ti usto a tax iti nasao nga ili.
