LAOAG CITY – Naruay a residente ti Washington state ti naibakwit kalpasan a naglipyas ti karayan gapo iti sumagmamano nga aldaw a panagtudo na.
Gapo iti insidente ket nasuspenso ti biyahe ti Amtrak trains manipud Seattle ken Vancouveer ken naideklara ti statewide emergency iti Washington.
Nagusar met ti helicopter dagiti rescuers tapno isalakan dagiti residente iti asideg ti Sultan, Washington.
Agamak met dagiti otoridad iti agtululoy a panagngato ti danom iti walo a kangrunaan a karayan a nakapalawlaw iti Washington.
Binilin metten ni Washington Governor Bob Ferguson dagiti National Guard nga agresponde kadagiti nalayos.
Nagballaag dagiti eksperto a mabalin nga agpaot pay iti sumagmamano nga aldaw ti layos.
