LAOAG CITY – Kalikagom ti Sang. Panlalawigan a matarimaan ken maimbestigar dagiti barangay road ken dagiti amin a kalsada a maperperdi.
Segun kenni Bokal Rafael Chua Medina, kalikagom na a maaramid kadagiti kalsada ditoy probinsia a makita a naperdi a kas napasamak iti ili ti Bacarra a dagus a napan nakita kalpasan a naireport.
Kunana a masansan a dumaldalyasat dagiti dakkel a lugan iti barangay road nangruna no nairot ti taray ti trapiko iti national highway.
Inbatadna a masapol a maipakaammo kadagiti maseknan a contractor tapno maamoan no under warranty daytoy wenno saan.
