LAOAG CITY – Pagmultaen ti Metropolitan Manila Development Authority wenno MMDA ti agingga P50,000 ti kontraktor ti EDSA Rehabilitation Phase 2 gapu iti saan a panangdutok dagiti flagman kabayatan ti maar-aramid a road works.
Basar ken ni Metropolitan Manila Development Authority (MMDA) Chairman Romando Artes, nangitunda ti kinakurang ti traffic personnel ti nakaro a trapik manipud Guadalupe iti Makati agingga Shaw Boulevard iti Mandaluyong idi Domingo, Agosto 23 agingga idi Lunes, Agosto 24 ti parbangon.
Maninaig iti daytoy, nakasurat iti permit ti kontraktor ti obligasion a mangdutok dagiti flagman tapno iturong dagiti lugan aglallalo no adda ipaserra a lane.
Inbatad ni Artes a minonitor-da ti sasaaden agingga ti alas-3 ti parbangon ken insigida a nakikoordinar iti Department of Public Works and Highways ken project engineer.
Nupay nakapaitulodda ti flagman iti lugar, naattidogen ti pila dagiti lugan sakbay a simmangpet dagitoy.
Kuna ni Artes a rumbeng a mamulta ti kontraktor tapno saan a mauliten ti kastoy a situasion.
Naamoan nga umabot iti P50,000 ti multa nga ipataw iti kontraktor.
Kabayatanna, awan pay inparuk-at a pinal a gatad wenno notice of violation ti Metropolitan Manila Development Authority (MMDA).
