LAOAG CITY – Nangipila ti maysa a bulan a leave manipud ita nga aldaw, Setiembre 8, ni Metropolitan Manila Development Authority MMDA General Manager Nicolas Torre III kalpasan nga i-revoke ti Land Transportation Office LTO ti lisensia ti driver-na.
Naiserbian ti pannusa ti nasao a driver kalpasan daytoy a naaktuaran a simrek iti iligal a dalan iti EDSA Bus way.
Malaksid iti daytoy, naduktalan pay ti Land Transportation Office (LTO) nga agususar ti nasao a lugan ti plaka a nakarehistro iti sabali a lugan.
Nangikabil pay dagitoy ti saan nga otorisado ti Metropolitan Manila Development Authority MMDA markings ken kadagiti dadduma pay a partes ti lugan.
Basar iti Land Transportation Office (LTO), pribado ti opisial a rehistro ti nasao a lugan ken saan a nakabasar ti plakana iti rekord ti ahensia.
