LAOAG CITY – Inlawlawag ti National Bureau of Investigation (NBI) a mabalin latta a makapanaw ti contractor a ni Sarah Discaya iti opisina da gapo ta awan pay ti naiparuk-at a warrant of arrest kontra kenkuana.
Segun kenni Acting NBI Director Angelito Magno, awan ti legal a pagibasatan tapno lapdan ni Discaya agingga nga awan ti pammilin ti korte.
Inlawlawag pay ni Magno nag agtalinaed ni Discaya iti NBI ken dagus a maipatungpal ti warrant apaman a mangiruar ti korte.
Maipalagip a simmuko ni Discaya iti napalabas a lawas kalpasan nganinbatad ni Pres. Ferdinand Marcos Jr. a manamnama nga adda ti warrant maianig iti anomalya iti flood control projects.
Nupay kasta, inlawlawag ni Discaya a ti panagsuko na ket maysa a legal nga addang ken saan a panangadmitir iti basol.
Ummuna iti daytoy, ni Discaya pakairamanan dagiti siyam a dadduma pay ket sumangsango iti kaso a malversation ken panaglabsing iti Anti-Graft and Corrupt Practices Act mainaig iti P96.5-milyon ghost flood control project iti Davao Occidental.
