LAOAG CITY – Umabot iti innem a tattao ti natay kalpasan a nagswek ti eroplano idiay North Carolina.
Nakalugan dagitoy iti Cessna C550 a nagswek kabayatan nga umas-asideg iti Statesville Regional Airport.
Segun kenni Statesville Airport director John Ferguson, ti nasao nga eroplano ket kukua ti negosyante ken dati a NASCAR driver a ni Greg Biffle.
Gapo iti insidente ket temporaryo a nairikep ti eropuerto agingga a naan-anay a naikkat ti nauram nga eroplano.
Kabayatanna, agtultuloy ti imbestigasyon dagiti otoridad iti nasao nga insidente.
