LAOAG CITY – Pinirmaan ni US President Donald Trump ti executive order a mangklasipika manen ti marijuana kas bassit unay ti risgo na a droga, a mangipaay ti gundaway para iti ad-ado a panagsukisok iti panagusar ti cannabis products.
Ti nabayagen a maiyur-uray nga addang ket mangikkat ti marijuana manipod iti narisgo a kategorya ti narcotics karaman ti heroin ken lysergic acid diethylamide, nupoay saanna a pagbalinen a legal ti panagusar iti daytoy iti intero nga Estados Unidos.
Nupay kasta, inbatad ni Trump a kabayatan a saan a maipalubos ti panagusar iti daytoy kas maysa a recreational drug” mapagbalin daytoy nga ad-adda a mausar para kadagiti lehitimo nga usar ti medisina kas kadagiti tattao nga addaan ti cancer ken nadagsen a sakit.
Innayon na nga adda dagiti tattao nga agpaspasar ti nakaro a sakit ti nagpakpakaasi kenkuana nga aramiden na ti nasao nga addang.
Ti Marijuana ket agdama a naklasipika kas Schedule I substance iti isu metlaeng a liga kas droga a kapada ti heroin.
