LAOAG CITY – Inbatad ni Mr. Alnor Sabado Sr., dispatcher iti GMW Terminal ditoy ciudad ti Laoag nga uray intono bigat nga holiday ket kompleto latta ti biyahe da.
Nupay kasta, inpakaammo ni Sabado a fully booked aminen dagiti regular nga agbibiyahe a bus da agingga intono Enero 10, 2026.
Inpakaammo na nga ado met dagiti extra-buses da nga isu ti paglugluganan dagiti saan pay a nakaipa-reserve a pasahero.
Innayon na a ti bilang dagiti extra-bus nga agbiyahe ket nakadepende iti demand dagiti pasahero.
Kuna pay ni Sabado a no adda dagiti pasahero a saan da a maakomodar ket ipalugan da iti sabali a bus tapno makalugan ken makapan metlaeng dagitoy iti destinasyon da.
