LAOAG CITY – Manarimaanen nga ipatpatungpal ti PNP-Laoag Traffic Division ti Anti-Nuisance Ordinance.
Segun ken ni Police Chief Master Sergeant Eric Bumagat iti PNP-Laoag Traffic Division, sipod idi Disyembre 22 da pay laeng a rinugyan nga inpatungpal daytoy.
Inpakaammo na a kas basar iti RA 386 Phil. Civil Code nga amin a behikulo a naringgor ket rumbeng a matiliw ken nasken a 99 decibels laeng ti limitasyon ti tunggal behikulo.
Inlawlawag na a sipod inyimplementar da daytoy kadua da ti Department of Public Safety ken dagiti traffic enforcers ket umaboten ti sunurok-kumurang 15 ti naisyuan ti ticket.
Inpakammo na a kaadoan kadagiti nasita a motorsiklo ket naikkan ti muffler.
Inbatad na a malaksid iti panakaipaay ti citation ticket ket maabisoan da a masukatan ti tambotso dagitoy.
Kunana nga iti agdama ket awan py ti equipment da a mausar tapno mangrukod ti decibel ti lugan ngem inbatad na a mangeg da met ti naringgor unay ken saan.
Inpanamnama na a daytoy a panagsita dagiti otoridad ket agtultuloyen iti nagduduma a paset ditoy ciudad.
