LAOAG CITY – Ibilang ti Ilocos Norte Police Provincial Office a generally peaceful ti panagselebrar ti paskua ditoy probinsya.
Daytoy ti inbatad ni Police Capt. Sheryl Cacayorin, ti pannakangiwat iti Ilocos Norte Police Provincial Office.
Inpanamnama ni Cacayorin nga itultuloy ti nailian a pulisya ti mangipaay ti naiget a seguridad agingga iti panangsarabo ti baro a tawen.
Mainaig iti daytoy, inpakaammo ni Cacayorin nga adda ti mandato manipod iti Higher Office da nga amin a commanding officer kas kadagiti chief of police ket saanda a mabalin ti agbakasyon ita nga holiday season.
Inlawlawag na nga adda dagiti PNP personnel a nakabakasyon ita a paskua, ngem sumublat to met nga agbakasyon dagiti nakaduty ita intono baro a tawen.
Kabayatanna, kuna ni Cacayorin nga holiday season ket itultuloy da latta ti agtiliw kadagiti wanted person ditoy probinsya.
Innayon na nga idi laeng kalman ket naarestar ti agtawen ti 52 a lalaki, awanan ti asawa ken residente iti ili ti Pasuquin babaen ti bileg ti warrant of arrest gapu iti kaso na a frustrated murder.
Iti agdama, nagtalinaed ti akusado iti Philippine National Police iti ili ti Pasuquin ken manamnama a maidatag iti korte a naggapwan ti warrant of arrest.
