LAOAG CITY – Inpakaammo ni P/Maj. Divina Albino, pannakangiwat ti Philippine National Police – Region 1 nga adda ti dua a firecrackers related injuries ditoy Ilocos Norte kabayatan ti panangsarabo ti baro a tawen.
Inbatadna a basar iti kaudian a datosda, adda ti pakabuklan nga 65 ti nairekord a nasugatan gapu iti paputok no sadinno kaaduan ditoy ket manipud idiay Ilocos Sur nga addaan ti 38, 19 met idiay Pangasinan idinto nga 6 idiay La Union.
Kunana nga adda ti 4,234 a nakumpiskar nga iligal a paputok nga agbalor ti 206,930 a pisos.
Mainaig iti daytoy, dagiti nakumpiskar nga iligal a paputok ket dagiti sumaganad:
15 – watusi
201 – piccolo
3 – poppop
522 – five star
53 – pla-pla
3 – lolo thunder
3 – atomic bomb
107 – giant bawang
91 – giant whistle bomb
4 – atomic triangle
4 – large size judas belt
3 – goodbye delima
3 – hello Colombia
3 – goodbye Napoles
3 – Super Yolanda
3 – mother rockets
275 – kwiton
1,013 – boga
1,925 – dadduma pay
