LAOAG CITY – Selebraran ti BOMBO RADYO PHILIPPINES ti maikanem a dekada na ti media excellence babaen ti Top Level Management Conference manipod Enero 5-11, 2026, nga addaan ti tema a “Bombo Radyo Philippines: Celebrating 60 Years of Media Excellence.”
Idaulwan daytoy ni Chairman Dr. Rogelio M. Florete ken ti Presidente ti Network a ni Chief Executive Officer Margaret Ruth C. Florete, ti conference ket nagtitipunan dagiti station managers ken senior officers manipod iti 25 key areas ti Bombo Radyo Philippines network iti Iloilo City.
Ti makalawas a panagtitipon ket maipamaysa iti strategic planning ken direction-setting kabayatan umab-abanse ti network iti labes ti milestone-year na.
Dagiti kangrunaan a mapagsasaritaan ket agsentro iti inobasyon, serbisyo publiko ken ti agtultuloy a panagkomit iti mapagtalkan, responsable ken public service–oriented a panagipadamag.
Kas paset ti selebrasyon iti maika-60 nga anibersaryo, ti Bombo Radyo Philippines ket itampok na ti atiddog a listaan dagiti prestigious awards a mangbigbig iti kinalaing iti news reporting, public affairs programming, ken public service broadcasting.
Karaman kadagitoy a blligi, ti flagship nationwide program ti network a Bombo Network News ket back-to-back winner iti Catholic Mass Media Awards (CMMA) kas Best News Program para iti 2024 ken 2025.
Iti counterpart na nga FM, ti Star FM ket napili kas Best Entertainment Program para iti nagsasaruno a tallo a tawen, idi 2023 agingga iti 2025.
Kabayatanna, ti Bombo Radyo Iloilo a flagship station ti network ket narekognisar kas Best AM Station (Provincial) ken Best News Program (Provincial) ken iti 28th Golden Dove Awards (2025) ti Kapisanan ng mga Brodkaster sa Pilipinas (KBP).
Malaksid kadagiti pammigbig iti industriya, dagiti independent survey ket ad-adda a mangpaneknek iti kredibilidad ken panagtalek ti publiko iti network.
Maibilang ti Bombo Radyo kas kangrunaan a mapagtalkan a paggapgapwan dagiti damag ken impormasyon iti Radio category iti Philippine Information Agency’s National Survey on Media and Information Literacy of Filipino Youth (November 2024). Nadakamat pay daytoy iti babaen ti OCTA Research (December 2024) kas umun-una a paggapgapwan ti damag ken impormasyon kadagiti Pilipino nga addaan iti umno a tawen, ken kanayun nga umun-una iti quarterly Pahayag Survey of Publicus Asia, Inc. iti babaen ti Most Trusted Media Outlets iti Radio category.
Dagitoy a pammadayaw ket mangipakita iti dedikasyon ti Bombo Radyo Philippines nga itandudo ti kangatoan nga standards ti broadcast journalism.
Patibkeren pay ti conference ti legacy ti Bombo Radyo Philippines kas umun-una a radio network, a mangipatpataray ti 32 a fully digitalized AM ken FM stations nationwide, ken agserserbi kas panangiyebkas iti napalaos a panagyaman iti publiko. Gapu kadakayo, agtultuloy ti panangitandudo ti Bombo Radyo ti EXCELLENCE in BROADCASTING ken mangidanon kadagiti damag ken serbisyo publiko nga awan pulos ti makaartap iti performance na.
Basta Radyo, BOMBO!
