LAOAG CITY – Inrakurak ni US President Donald Trump ti panangipataw ti 25% a taripa kadagiti produkto nga aggapo kadagiti pagilian nga addaan ti commercial ties iti Iran.
Maysa nga addang nga ad-adda pay a mangikabil ti pressure iti Iran kagiddan iti agtultuloy a tignay protesta kontra iti gobyerno.
Iti maysa nga statement, inbatad ni Trump nga agepekto a dagus ti taripa a saanen a mangipaay ti detalye no ania ti dakdakamaten na a pannaki-negosyo iti Iran.
Inpetteng ni President Trump a pinalen ti nasao a pammilin.
Iti agdama, awan pay ti inparuk-at nga impormasyon ti White House mainaig iti taripa karaman dagiti pagilian a kangrunaan a maapektaran ti imports na.
Nupay kasta, iti agdama, ti China ti maibilang a kadakkelan a trading partners ti Iran, sarunwen daytoy ti Iraq, United Arab Emirates, Turkey ken India.
Ti baro a taripa ket kalpasan ti pangta ni Trump a makibiang ti Amerika no patayen ti Iran dagiti demonstrador.
