LAOAG CITY – Binalakadan ni United States President Donald Trump nga agibakwiten dagiti umili nga adda idiay Iran.
Daytoy ket kalpasan ti kumarkaro a situasion gapu iti lumawlawa a tignay protesta iti nasao a pagilian.
Inlawlawagna a nalpasen ti amin a naikeddeng a panagtataripnong kadagiti opisial ti Iran.
Nangisayangkat ti taripnong dagiti sumagmamano nga opisial ti White House kaduana dagiti sumagmamano met nga opisial ti Iran tapno masolbar ti problema iti kumarkaro a riribuk.
Maipalagip nga umaboten iti sumurok 1,000 a protesters ti natayen iti sumurok tallo a lawas a tignay protesta gapu iti bumagbagsak nga ekonomia.
