LAOAG CITY – Nakasagana a sungbatan iti Korte ni Cavite Representative Francisco “Kiko” Barzaga ti kaso a cyberlibel nga inpila kenkuana ti casino tycoon a ni Enrique Razon.
Inpetteng ti agpanpanday linteg nga agpapada a pudno dagiti inbutaktakna mainaig iti panangipaay ti kuarta ni Razon kadagiti sumagmamano nga agpanpanday linteg tapno saan a mapukaw ti suportada ken ni dati nga House Speaker Martin Romualdez.
Inlawlawagna a saan daytoy a mabuteng ken ni Razon uray maysa isuna kadagiti kabaknangan a tao ditoy pagilian gapu ta iggemna ti kinapudno.
Maipalagip nga inpila ni Razon ti kaso a cyberlibel iti Makati City Prosecutors Office kalpasan ti social media post ti agpanpanday linteg a binayadan dagiti kongresista idi nangiwayatda ti panagtitipon.
