LAOAG CITY – Inrakurak ni Philippine Ambassador to the United States Babe Romualdez a saan nga aglemlemmeng ni dati a Department of Public Works and Highways (DPWH) Secretary Manuel Bonoan no diket nagkiddaw laeng ti maysa a bulan nga extension wenno pannakaiyalud-od sakbay nga agsubli ditoy pagilian.
Inbatad ni Romualdez a nakasaritana ni Bonoan iti telepono no sadinno a na-reschedule ti operasion ti asawana isut gapuna nga agtalinaed pay laeng isuna idiay California.
Nakailanad nga inton Pebrero 15 ti naikeddeng a panagsubli ni Bonoan ditoy Pilipinas kalpasan ti nasao nga operasion.
Binalakadan met isuna ni Amb. Romualdez nga insigida a sangoen dagiti isyu a sangsangoenna ditoy pagilian.
Naammoan a gapu iti panagtalinaedna idiay Amerika, saan a makaatendar ni Bonoan iti naikeddeng a Senate Blue Ribbon Committee hearing inton Lunes a mangtalantan kadagiti kontrobersial nga adda ti pakainaiganna iti dati a posisionna.
