LAOAG CITY – Pinangtaan ni United States President Donald Trump a patawanna ti nangato a taripa dagiti pagilian a saan nga umannugot kenkuana a nasken a kontrolenda ti Greenland.
Inbatadna a daytoy ti aramidenna para iti seguridad metten ti Greenland.
Inlawlawagna a napateg a seguridad ti Estados Unidos ti Greenland gapu iti strategic location ken dakkel a suplay ti mineral daytoy.
Ti Greenland ket maysa a semiautonomous territory ti Denmark a kaalyado ti North Atlantic Treaty Organization (NATO).
Maipalagip a kadagiti naglabas nga aldaw ket nagturong iti White House dagiti foreign ministers ti Denmark ken Greenland no sadinno a nakataripnongda da United States Vice President JD Vance ken Secretary of State Marco Rubio ngem awan ti nagbanagan ti plano.
Gapu iti daytoy, nangi-deploy dagiti suldadoda idiay Greenland dagiti sumagmamano a pagilian iti Europa kas iti France, the Netherlands, Germany, Sweden ken United Kingdom.
