LAOAG CITY – Mamati ni Missing sabungeros (cockfighting enthusiasts) case whistleblower Julie “Dondon” Patidongan a nakarwaren ditoy pagilian ti negosyante a ni Charlie “Atong” Ang.
Daytoy ti nagbalin a sungbat ni Patidongan kalpasan a nasaludsud kenkuana no nagtalinaed ni Ang ditoy Pilipnas kalpasan ti pannakaiparuk-at ti arrest warrant kontra kenkuana manipod iti Sta. Cruz, Laguna Regional Trial Court mainaig iti panagpukaw ken pannakatay dagiti mammallot.
Kuna ni Patidongan a dakkel ti posibilidad na nga idi pay Disyembre 2025 a nakapanaw ditoy Pilipinas ni Ang.
Inpalgak pay ni Patidongan a patienna a saan pulos nga aramiden ni Ang ti agkiddaw ti tulong kadagiti retirado wenno agdama nga opisyal para iti panaglemlemmeng na.
