LAOAG CITY – Possible nga umatiddog ken maiyaludlud ti agdama a suspension a sangsangwen ni Cavite 4th District Rep. Kiko Barzaga no agpila ti baro nga ethics complaint ti kamara de representantes kontra iti kongresista.
Daytoy ket basar ken ni Tingog Party-list Rep. Jude Acidre.
Inbatad ni Acidre nga ikonkonsiderar ti Kamara de representantes ti panagpila ti baro nga ethics complaint kontra ken ni Barzaga gapu metlaeng kadagiti nagbalin nga addang na kalpasan a naipatungpal ti pannakasuspenso na idi disyembre 2025.
Maipalagip a naipila ti umuna a reklamo kontra ken ni Barzaga iti napalabas a tawen gapu iti maipagarop a ‘disorderly behavior’ na kalpasan kadagiti post na iti social media usar ti personal accounts na.
Kabayatan nga awan pay ti pinal a desisyon ti kamara de representantes para iti baro a complaint ket naikeddeng a malpas ti suspension ti kongresista intono Enero 30 ita a tawen.
