LAOAG CITY – Napintas ti resulta ti maipatpatungpal a Voter’s Registration ditoy ciudad ti Laoag.
Segun ken ni Atty. Julius Balbas, ti Commission on Elections Officer ditoy ciudad ti Laoag, sipud Oktubre 20 agingga iti Disyembre 31, 2025 ket addan ti nagaplikar a 1,417.
Inbatad na a manipod iti nasao a bilang ket adda ti sumuruk-kumurang nga 400 dagiti baro a botante idinto a nasurok met nga 600 dagiti nagtransfer manipod iti nagduduma munisipalidad.
Inpakaammo na a kaadoan kadagiti nagrehistro ket dagiti botante a Sang Kabataan ditoy ciudad ti Laoag.
Mangnamnama ni Balbas nga ado pay dagiti agrehistro agingga intono Mayo ita a tawen aglalo ket plano da ti agturong kadagiti nagduduma a pagadalan ken barangay tapno mapan da idanon ti panagparehistro da.
