LAOAG CITY – Mangiwayat ti imbestigasion ti White House iti agtultuloy a tignay protesta kontra kadagiti Immigration and Customs Enforcement (ICE) iti Minnesota.
Inbatad ni Attorney General Pam Bondi a saan a pinalabes dagiti agiwaywayat ti tignay protesta ti misa gapu ta nangiwayatda ti tignay protesta iti mismo a simbaan.
Naammoan a sumagmamano nga indibidual ti nagturong iti Cities Church iti St. Paul no sadinno a saanen a natuloy ti misa.
Maipalagip a sumagmamano a protesters metten ti inarestar iti lugar gapu iti pannakilabanda kadagiti kapulisan.
Nangrugi ti tignay protesta idi napapatay ti Immigration and Customs Enforcement agents ti maysa a babai a ni Renee Goods iti maysa a checkpoint.
