LAOAG CITY – Nakagura ni Katy Perry iti Trump administration kalpasan ti panangusar ti White House ti kantana a “Firework” kas background music iti TikTok video footage ti military strikes.
Ti nasao a video ket addaan ti 9 a segundo a mangipakpakita ti “unclasified iti footage ti White House iti US-fired missiles iti pagilian ti Iran.
Segun iti post ni American pop star Katy Perry iti X account-na, makagura daytoy iti panangusar ti White House iti kantana mainaig iti military strikes.
Gapu iti daytoy, inpettengna a saanna nga inannugotan ti panangusarda ti kantana ken inbatadna a saanna a supsuportaran dagiti military strikes nga araramiden ti Amerika iti Iran.
Inlawlawagna nga insuratna ti kanta a “Fireworks” idi 2010 a ti kayatna a saoen ket “hope, healing ken inner strenght kadagiti indibidual a makapaspasar ti problema iti panagbiag.”
Innayonna pay a dagiti kantana ket mangikaykaysa ti tao ken saan nga mangi-promote ti warfare.
Maipalagip nga idi laeng Disiembre 2025, criniticized met ni Sabrina Carpenter ti White House ti Trump Administration kalpasan ti panangusarda ti kantana iti social media mainaig iti Immigration and Customs Enforcement ICE agents apprehending people nga awan ti pammalubosna.
