LAOAG CITY – Natay ti 11 nga indibidual kalpasan ti pammaltog iti maysa a football pitch idiay Mexico.
Basar kadagiti otoridad, kellaat lattan a simmangpet dagiti armado a suspek ken pinaltu-paltoganda dagiti tattao iti siudad ti Salamanca.
Naruay met nga indibidual ti nasugatan iti insidente nga insigida a naitaray dagitoy iti ospital para iti pannakatamingda.
Agbuybuya dagiti tattao iti ay-ayam ti lokal a football team idi kellaat a pinaltu-paltogan isuda dagiti armado a lallaki.
Agtultuloy nga am-ammoen dagiti otoridad ti motibo dagiti suspek iti pammaltog.
