LAOAG CITY – Naikeddeng a maiyakar iti ordinario a pagbaludan ita nga aldaw iti Quezon City Jail Male Dormitory ni dati a Senador Ramon ‘Bong’ Revilla Jr.
Inbatad ni Bureau of Jail Management and Penology (BJMP) a daytoy ket kalpasan a nalpasen ti mandatory a pito nga aldaw a medical quarantine ti dati a Senador.
Karaman a maiyakar ti uppat a naakusaran nga isuda Engineer Brice Hernandez, Jaypee Mendoza ken Arjay Domasig ken ti accountant a ni Juanito Mendoza.
Kinumpirmaran ni Bureau of Jail Management and Penology spokesman Jail Superintendent Jayrex Bustinera ti panangiyakar kadagiti nasao nga indibidual a maikabil iti general population nga addaan ti kabukbukudan a cell assignment base iti napagtitipon a security, medical ken classification assessment.
Inlawlawagna nga awan ti nakita nga aniaman a sakit ni Revilla ken dagiti kakaduana isut gapuna a natalged dagitoy a maiyakar iti normal a detention facility.
Mabalin a makadua ti dati a Senador iti pagbaludan dagiti sumagmamano nga ordinario a Persons Deprived of Liberty (PDL) gapu ta awan ti maipatpatungpal a VIP treatment ti Bureau of Jail Management and Penology.
Maipalagip a nairaman ni Revilla a nabenepisiaran iti maysa nga anomalya a flood control project idiay Bulacan no sadinno a pinawatan isuna kas guilty iti kaso a malversation ken graft.
