LAOAG CITY – Sinuportaran ni Presidente Ferdinand Marcos Jr. ti nagbalin a desision ti anakna a ni House Majority Leader Ferdinand Alexander “Sandro” Marcos nga ag-inhibit kadagiti amin nga impeachment proceedings kontra kenkuana.
Segun iti Presidente, husto ken maiyannatop laeng ti nagbalin a desision ni Cong. Sandro gapu ta maipagarup a nalawag ti posible a panangtungpal daytoy kas maysa nga anak.
Inbatadna a napateg a mapagtalinaed ti panagbalin a patas ken kredibilidad ti proseso ti impeachment.
Maipalagip a nag-inhibit ti agpanpanday linteg kadagiti panagdengngeg nga adda ti pakainaiganna iti impeachment.
Daytoy ket iti baet a saan met a kasapulan iti babaen ti House rules, inpetteng ni Cong. Sandro a paset ti responsable a panangidaulo ti panangliklik no makwestionaran ti panagbalin a patas ti proseso.
