LAOAG CITY – Mangnamnama ni Ms. Helen Rose Domingo, ti mangidadaulo iti Sports Development Office a suportaran dagiti umili dagiti sports event ditoy probinsia kangrunaanna ti Little League Philippine series a maisayangkat intono Abril ita a tawen.
Segun kenkuana, mabigbigbig ti probinsia a paggapgapwan dagiti narway a nalalaing nga atleta.
Kunana nga adda dagiti nakipartisipar iti national ken international nga atleta manipod ditoy probinsia kangrunaan na dagiti baseball players.
Innayonna a kalikagom da nga agbalin a “breeding ground” ti probinsia kadagiti nalaing nga atleta.
Maipalagip a napili iti Ilocos Norte nga ag-host iti Little League Philippine Series National Championship intono Abril 11- 25 ita a tawen.
