LAOAG CITY – Inimbitaran ni Ukrainian President Volodymyr Zelensky ni Russian President Vladimir Putin nga isayangkat ti taripnongda a dua idiay Kyiv no pudno a kalikagumna daytoy a matungpal.
Inbatad ni Zelensky a nakasagana daytoy iti aniaman a klase ti panagtataripnong ngem saan daytoy nga agturong idiay Russia wenno Belarus kas ti imbitasion iti Kremlin.
Inlawlawagna nga imposible kenkuana a mapan idiay Russia para iti panagtataripnong kasta met ken ni Putin nga agturong iti Kyiv isut gapuna a kinaritna laengen daytoy a mapan idiay Ukraine.
Inpettengna nga idadauluan ti Russia iti panangiwayat ti gubat no sadinno a kakunsabo daytoy ti pagilian a Belarus.
Maipalagip nga iti napalabas a lawas ket nangiwayat ti panagsinnarita ti dua a pagilian a naisayangkat idiay Abu Dhabi idinto a ti naikeddeng nga aldaw ti Domingo ket para iti maikadua a peace talks nga idauluan ti Amerika.
