LAOAG CITY – Umaboten iti pakabuklan a P24.7 billion ti balor ti assets a na-freeze ti Anti-Money Laundering Council (AMLC) nga adda ti pakainaigan iti flood control scandals.
Daytoy ket kalpasan a nakaala ti sabali manen a freeze order ti konseho manipod iti Court of Appeals.
Basar iti Anti-Money Laundering Council, karaman iti baro a freeze order ti assets ti dua a kontraktor a nakaala ti mayorya ti ghost flood control projects iti Bulacan, maysa a negosyante ken dagiti dadduma pay nga indibidwal ken entities a nairaman iti nalawa nga infrastructure corruption scandal.
Naamoan a dagiti assets a sakopen ti freeze order ket bank accounts, e-wallet accounts, insurance policies, security accounts, investment accounts ken real properties.
Namnamaen a manayunan pay ti balor ti na-freeze nga assets kabayatan nga agtultuloy ti pannagna ti imbestigasyon iti maanomalya nga infrastructure projects.
