LAOAG CITY – Nagepekton ti partial shutdown iti gobyerno ti Amerika kalpasan a napaay a naipasa ti 2026 budget sakbay ti naikeddeng a midnight deadline.
Ti kangrunaan a rason ket ti pungtot ti Democrats iti panangpatay ti federal immigration agents iti dua nga American protesters idiay Minneapolis, a nangitantan kadagiti panagsasarita mainaig iti extended funding para iti Department of Homeland Security (DHS), a mangiwanwanwan iti Immigration and Customs Intelligence (ICE).
Mainaig iti partial shutdown, sumagmamano nga non-essential government operations ti namnamaen a temporaryo a maisardeng karaman dagiti serbisyo agingga nga aprubaran ti US Congress ti maysa a short-term funding bill wenno full-year budget.
Iti agdama, ikarkarigatan ti congressional leaders ti makaukkon ti umdas a botos tapno maipasa iti House of Representatives ti inaprubaran a gakat ti US Senate iti oras nga agsubli ti sesyon ti House intono Lunes, Pebrero 2.
