LAOAG CITY – Binitay ti China ti uppat pay a miyembro ti notorious mafia family iti Myanmar.
Karaman dagitoy iti Bai family mafia, ti numero uno a maipagarop a notorious dynasties a mangipatpataray ti scam centres iti Myanmar, maibasar iti report ti state media.
Naamoan a karaman dagitoy kadagiti 21 a miyembro ken associates a sinentensyaan ti korte iti dusa a patay iti Guangdong province para iti kaso a fraud, homicide, injury ken dadduma pay a krimen.
Maipalagip nga idi Nobiyembre 2025, sinentensiyaan ti korte ti lima kadakuada karaman ti patriarch ti nasao a clan a ni Bai Suocheng, a pimmusay gapu iti sakit kalpasan a nasentensyaan.
Kabayatanna, iti laeng napalabas a lawas ket nabitay ti 11 a miyembro ti Ming family mafia kas paset ti crackdown iti scam operations iti South East Asia a nakabiktiman ti rinibo a Chinese.
