LAOAG CITY – Maobserbaran dagiti healthcare workers nga umad-ado ken umub-ubing ti makapkaptan ti chronic conditions kas ti heart disease, stroke, ken diabetes ditoy Pilipinas.
Inbatad ni Dr. Debrah Ann R. Custodio, Chief of Clinics and Emergency Department Head ti ARC Hospitals, daytoy ket pakaseknan ti publiko aglalo ket dagitoy a sakit ket karaman kadagiti kangrunaan a nakatayan dagiti Pilipino sipud Enero agingga iti Abril idi 2025, maibasar iti datos ti Philippine Statistics Authority (PSA)..
Kuna na a gapu iti kaado ti pakakumikuman dagiti tattao ket masansan nga itantan da ti mapan agpacheckup ken saan da nga ikaskaso dagiti sintomas a marikrikna da no sadinno a mapan da laengen iti ospital ni naladawen ti amin.
Basar iti Philippine Statistics Authority, ti kangrunaan a makaigapu ti nakatayan dagiti Pilipino iti nasao a panawen ket ti ischaemic heart disease, a mabigbig pay kas coronary heart disease.
