LAOAG CITY – Nangipatungpal ti Government Service Insurance System (GSIS) ti baro a short-term micro loan program para kadagiti mangmangged iti gobierno.
Segun ken ni Government Service Insurance System President and General Manager Jose Arnulfo “Wick” Veloso, mabalin nga umutang dagiti mangmangged iti gobierno iti umuna a gundaway manipod P1,000 agingga iti P4,000, a mabayan agingga iti tallo a bolan.
Inbatad na ng iti sumaruno a gundaway nga umutang dagiti maseknan kalpasan a mabayadan da ti umuna nga utang da ket mabalin danto ti bumulod manipod P5,000 agingga iti P50,000, a mabayadan met iti uneg ti 24 a bolan wenno dua a tawen.
Inpakaammo ni Veloso a ti interest na ket 6 percent per annum para kadagiti miembro a nagbayaden iti tallo a tawen a premium contributions, idinto a 7 percent per annum para kadagiti nababbaba ngem tallo a tawen ti panagbayad na ti premium contributions.
