LAOAG CITY – Inbinsa-binsa ni Mrs. Mylene Pascual, mangidadaulo ti City Environment and Natural Resources Office ditoy siudad ti Laoag dagiti kangrunaan a programa iti opisinada.
Segun kenkuana, saan laeng a ti solid waste management ti nakatutukan ti opisinada no diket pakairamanan ti air quality, water quality ken dadduma pay.
Inbatadna nga adda ti panagturongda iti kallabes iti Metro Gabu ditoy siudad tapno pakaammoan dagiti residente no kasano a protektaran ti baybay ken karayan.
Inlawlawagna a kalikagumda a maipaadal kadagiti maseknan iti pannakadalus ti danum ken panagkonsumo kadagitoy.
Innayonna a babaen kadagitoy nga addang nga ar-aramidenda ket dakkel ti maitulongna iti aglawlaw.
