LAOAG CITY – Nagkiddaw ti naruay a pagilian ti panagsinnarita ti Taliban ken Afghanistan.
Daytoy ket iti baet ti agtultuloy a tension a mapaspasamak iti nagbaetan ti dua a pagilian no sadinno nga adu a tattao ti pimmusay.
Karaman kadagiti pagilian ket iti Iraq, Qatar, Egypt, Turkey pakairamanan ti International Committee of the Red Cross (ICRC).
Naammoan a sipod pay iti napalabas a tawen ket nangiwayaten ti air strikes ti Pakistan iti Afghanistan.
Gapu iti daytoy, indauluan ti Qatar a bumallaet iti dua a pagilian tapno maaddaan ti ceasefire.
Nupay kasta, kadagiti naglabas a lawas ket naminsan manen ti panangatake ti Pakistan no sadinno a tinargetda ti kuta dagiti miembro ti ISIS nga isu ti responsable iti napasamak a suicide bombing iti pagilianda a nakatayan ti sumagmamano nga indibidual.
