LAOAG CITY – Kinumpirmaran ni Israeli Prime Minister Benjamin Netanyahu a dinadael ti puersa ti Israel ti compound ni Khamenei ken napapatay dagiti nangangato a komander ti Islamic Revolutionary Guard Corps (IRGC) pakairamanan dagiti kangrunaan a personalidad iti nuclear program ti Iran.
Iti nasao nga operasion, nagbinnulig ti Israel ken Amerika a gagem a lippasen ti pangta ti rehimen ni Ayatollah idiay Iran.
Iti babaen ti “Operation Roaring Lion,” kinumpirmaran ni Netanyahu a dinadael ti surpresa a panangatake ti kuta ni Ayatollah Khamenei iti Tehran ken tinargetda pay dagiti nangangato nga opisial ti Revolutionary Guards ken dagiti mangidadaulo ti nuclear program.
Nagyaman ti Prime Minister ken ni United States President Donald Trump para iti naiget nga alyansa ken suporta ti Amerika iti nasao nga operasion.
Kuna ni Netanyahu a gagem daytoy nga addang a lappedan ti Iran iti maaddaan ti nuclear weapons ken mangipaay ti wagas kadagiti umili ti Iran a mapadisi ti mangidadaulo iti pagilianda.
Inpettengna a ti “War of Redemption” ket mangipaay ti pudno a kinappia iti Middle East.
Dinayaw ni Netanyahu ti “historic leadership” ni Trump nga inawaganna a lider nga agtungtungpal kadagiti karina.
Inbatadna a ti alyansa ti dua a pagilian ket adda iti “all-time high” ita iti kapada a panawen ti kinakappia ken gubat.
Kinumpirmaran ni Netanyahu ti pannakadadael ti compound ni Ayatollah Khamenei iti baet ti Tehran.
