LAOAG CITY – Kinumpirmaran ti Tehran ti pannakatay ni Iranian Supreme Leader Ayatollah Ali Khamenei iti opisinana kalpasan ti panangatake ti Israel ken Estados Unidos idiay Iran.
Segun ken ni United States President Donald Trump, maibilang ni Khamenei kas maysa kadagiti kadaksan a tattao iti pakasaritaan.
Adda dagiti agraragsak idiay Iran no sadinno a maysa ti nangdakamat kadakuada nga ad-adda a pimmintas ti lugarda ita idinto nga adda met dagiti maladingitan iti pannakatay ni Khamenei.
Basar iti Red Crescent, adda ti sumurok 200 nga indibidual ti natay iti intero nga Iran, 108 ditoy ket natay iti United States and Israeli strikes iti maysa a pagadalan dagiti babbai.
Umabot iti agarup 40 nga Iranian officials ti natay pakairamanan ti mangidadaulo ti Islamic Revolutionary Guard Corps.
Kabayatanna, naiwayat met dagiti Iranian retaliatory strikes idiay Dubai, Doha, Bahrain ken Kuwait, dagiti lugar nga addaan kadagiti base militar ti Estados Unidos wenno kaalyado ti Amerika.
