LAOAG CITY – Inpakaammo ni Mrs. Mylene Pascual, ti mangidadaulo iti City Environment and Natural Resources Office ditoy ciudad ti Laoag a nabayagen nga ar-aramiden dagiti amin a barangay ditoy ciudad iti trash to cash program.
Daytoy ket kalpasan a nangipasa iti resolusyon iti konseho ditoy ciudad iti panangsuportada iti nasao a programa iti SM Laoag.
Segun ken ni Pascual, kasapolan laeng nga ire-enforce iti dakkel a mall iti Material Recovery nga aggatang da.
Kunana nga adda ti Memorandum of Agreement dagiti barangay kadagiti junkshop ditoy cuidad no sadinno a kastoy met iti aramiden ti mall tapno saan da a maapektaran.
Innayon na a babaen iti daytoy ket makapagtitinnulong da a mang-recycle kadagiti.
Kabayatanna, maragsakan ni Pascual gapu ta makitana nga uray dagiti business sector kas iti mall ket itantandudo na ti reduce, reuse ken recycle ken ti panaggatang kadagiti recyclables.
Maipalagip a nangipasa ni Sanguninag Panglunsod Member John Michael Farinas , Chairman ti Committee on Environment iti maysa a resolution a mangsuporta iti programa iti SM mainaig iti Trash to Cash Program .
Inbatad na a babaen iti nasao a programa ket matulungan ken masusurwan dagiti umuli no kasano iti usto a panag- recycle kadagiti basura.
