LAOAG CITY – Mabalin a ma-impeach ni Vice Presidente Sara Duterte iti saan nga umiso nga inaramid na iti pondo idi nagserbi kas sekretaryo ti Department of Education.
Daytoy ti inpetteng ni House Committee on Justice Chairperson at Batangas Rep Gerville Luistro iti panagsaludsud ni Cagayan de Oro Rep Rufus Rodriguez no mabalin a maimpeach iti naaramid na idi nagserbi kas sekretaryo iti nasao a departmento.
Inyarig ni Luistro ti immunan nga argumento ni Manila Rep. Bienvenido Abante Jr. a nangibagaan na ti “dua nga ima, maysa nga utek, maysa nga opisyal, maysa a pagsungsungbatan”.
Kuna ni Luistro a nalawag nga uray ti saan nga usto a naaramid iti Department of Education ket pagsungsungbatan latta ni Duterte kas maikadwa a mangidaulo ti pagilian.
Sumagmamano kadagiti akusasyon ken ni Duterte idi nagserbi kas sekretaryo ti Department of Education ket ti illegal a panangusar ti P112.5 million confidential and Intelligence funds ken panagpasuksuk kadagiti opisyal ti ahensya.
