LAOAG CITY – Natay ti uppat nga indibidual iti maysa nga hotel idiay Beirut kalpasan a natamaan ti Israeli strike basar iti Lebanon Health Ministry.
Malaksid iti daytoy, nairekord met ti 10 a nasugatan iti panagbomba ti Israel.
Basar iti inisyal nga impormasion, ti tinarget nga hotel ket agdama a temporario a pagtartarusan dagiti naapektaran ti gubat manipud idiay Southern Lebanon pakairamanan ti abagatan a paset ti Central Beirut.
Maipalagip nga idi Lunes ket nangiwayat ti rockets ken drones ti Iran-backed militant group nga Hezbollah idiay Israel banag nga insigida met a nagibales ti Israel babaen ti arig panagpatudona ti air strikes iti dakkel a paset ti Lebanon ken Beirut.
