LAOAG CITY – Rimmaot manen ti Israel kadagiti lugar iti ruar ti Beirut, Lebanon iti baet ti main-inaw a plano para iti ceasefire nga inrakurak ti Estados Unidos iti napalabas a lawas.
Kagiddan daytoy, nagpangta ti agpanpanday linteg ti Iran ti nakarkaro a panangibales banag a mabalin a mangpakaro iti tension ken makalapped kadagiti maipapan iti kinakappia iti rehion.
Nabayagen nga ipekpeksa ti Iran a nakadepende ti aniaman a katulagan mainaig iti kinakappia iti Estados Unidos iti panangitultuloy ti ceasefire iti Lebanon no sadinno a nangiwayat ti opensiba ti Israel kontra iti grupo nga Hezbollah a suportado ti Tehran.
Iti baet nga awan pay ti opisial a rakurak manipud iti gobierno ti Iran, inbatad ni Iranian lawmaker Ebrahim Rezaei a nasken a bantayan ti agbalin a sungbat ti pagilianda kagiddan ti panangatake.
Kabayatanna, inrakurak ni United States President Donald Trump a maipagarup a dandanin ti maysa a katulagan tapno lippasen ti rinnupak ngem nagpangta manen ti baro nga opensiba no saan daytoy a maipatungpal iti kabiitan a panawen.
