LAOAG CITY – Inpakaammo ni Gov. Cecilia Araneta Marcos a nakasaritanan ni Dr. Arlene Ragasa, mangidadaulo ti Gov. Roque B. Ablan Sr. Memorial Hospital mainaig iti isyu ti Outpatient Department iti nasao nga ospital.
Segun ken ni Gov. Marcos, napagsasaritaanda ken ni Dr. Ragasa ti panangikagumaan a saan nga aguray a nabayag dagiti pasiente.
Inbatadna nga inpasingked ti nasao nga ospital nga aramidenda ti amin a pagsayaatan dagiti pasiente tapno awan ti mapasamak a problema.
Inlawlawagna nga awan metten dagiti maipadpadanon kenkuana nga aniaman a reklamo wenno arungaing dagiti pasiente.
Maipalagip a nagreklamo dagiti sumagmamano a pasiente iti Gov. Roque B. Ablan Sr. Memorial Hospital mainaig iti panangited ti numero ti ospital kadakuada.
