LAOAG CITY – Inrakurak ni Sen. Panfilo Lacson, Chairman ti Senate Blue Ribbon Committee nga imbestigaranna ti maipagarup a collusion iti nagbaetan ti maysa a miembro ti Commission on Appointments (CA) panel ken ti dati a sekretario ti Department of Public Works and Highways a ni Manuel Bonoan idi 2022.
Inbatadna nga adda ti pakainaiganna daytoy iti listaan dagiti flood control ken dadduma pay nga infrastructure projects ti ahensia a maipagarup nga inkiddaw ti nasao a Commission on Appointments panel member.
Inlawlawagna a mabalin a mainaig daytoy iti confirmation hearing ni Bonoan kas Department of Public Works and Highways secretary idi maudi a paset ti 2022.
Kabayatanna, agtultuloy a tingtingitingen ti team ni Lacson dagiti flood control projects pakairamanan ti sumagmamano a proyekto idiay Metro Manila a nangitunda ti nakarkaro a panaglayos kalpasan a naipasdek ti pumping station.
